د افغانیو ثبات؛ د طالب مشرانو یا د امریکایي ډالرو رول
په کابل کې د طالبانو والي ادعا کوي چې د افغانیو په ثبات کې د طالب مشرانو اقتصادي نوښت د نړۍ له اقتصاد پوهانو او بانک لروونکو څخه لوړ دی.
د ملي ټلویزیون د یوه خبر له مخې، دغه طالب چارواکي ادعا کړې چې د طالبانو له بیاځلې واکمنېدو وروسته په اقتصادي برخو کې د تېرو شلو کلونو په اندازه پرمختګ شوی دی.
ريښتیا ارزول
د ملګروملتونو او نړیوال بانک د څېړونو له مخې، د نړیوالې ټولنې مرستو په تېره بیا نقدي مرستو د افغانیو په ثبات کې رول لرلی دی او د افغانیو د ثبات لپاره په پرلپسې توګه امریکايي ډالر بازار ته وړاندې کېږي او دې کار د افغانیو ثبات ساتلی دی.
د ملګروملتونو د پراختیايي پروګرام د یوه راپور پربنسټ، په ۲۰۲۳ زېږدیز کال کې د نړیوالې ټولنې مرستې ۳،۷ میلیارد ډالر وې، نو د افغانیو په ثبات کې د طالب مشرانو سیاستونو نه بلکې د نړیوالې ټولنې مرستو رول لرلی دی.
ددغه راپور له مخې، د طالبانو له بیاځلې واکمنۍ وروسته د بې وزلۍ کچه له اویا سلنې څه د پاسه ۹۰ سلنې ته ورسېد او افغانستان لاهم د نړیوالې ټولنې په مرستو پورې تړاو لري، د نړیوالې ټولنې د مرستو کمښت به د پر اقتصاد او د افغانیو پر ثبات ناوړه اغېزه وکړي.
له بلې خوا، طالبانو په یو شمېر نادولتي بنسټونو کې د ښځو د کار مخنیوی کړی او له شپږم ټولګي پورته نجونې ښوونځيو او همداراز پوهنتونونو ته د تلو اجازه نه لري.
دا د هېواد د پرمختګ او لویې برخې د فعالیت مخنیوی او شاتګ دی چې ناوړه اقتصادي او رواني پایلې لري، له همدې امله دا ادعاوې ددې ترڅنګ چې بیخي ناسمې او ګمراهکوونکې دي، د خندا وړ هم کېدای شي.
سرچینې:
د طالبانو والی شیخ محمد قاسم خالد
د ملګروملتونو د پراختیايي پروګرام د ۲۰۲۳ کال راپور
د نړیوال بانک د ۲۰۲۳ کال راپور
افغانستان اینترنشنال روز شنبه در خبری گفته است که وزارت داخله طالبان بر نامهنگاری رسمی به زبان فارسی محدودیت وضع کرده است. این شبکه ادعا میکند به سندی دست یافته است که در آن، [...]
تلویزیون آمو روز پنجشنبه در باره نشست فعالان افغانستان در استانبول - مجموعه منطقهیی افغانستان- اطلاعات نادرستی را پخش کرده است. غربال چلوصاف نشان میدهد که این خبر پر از اطلاعات نادرست است. [...]
روز چهارشنبه بی بی سی فارسی خبر داد: « دونالد ترامپ با امضای فرمانی اجرایی ورود شهروندان افغانستان، ایران، یمن، لیبی، سودان، سومالی، گینه استوایی، چاد، کنگو، برمه، اریتره و هائیتی را به آمریکا [...]
