اطلاعات روز او هشت صبح ورځپاڼو د امریکا د چاپېریال د اټکلونو ملي مرکز د موندنو پربنسټ د روان کال د چنګاښ میاشتې ۱۲مه د نړۍ په تاریخ کې تر ټولو ګرمه ورځ بللې ده.

ریښتیا ارزول
د ځمکې د تودوخې په اړه د ثبت شویو معلوماتو له مخې، د روان کال د چنګاښ ۱۳ د تودوخې د ثبتولو له پیل راهیسې تر ټولو ګرمه ورځ وه؛ خو پوهان په دې اند دي چې دا ورځ په تېرو ۱۲۵ زره کلونو کې تر ټولو ګرمه ورځ وه.
اطلاعات روز او هشت صبح ورځپاڼو په پرېکنده توګه لیکلي چې د نړۍ په تاریخ کې دا تر ټولو ګرمه ورځ وه.
پوهان اټکل کوي چې د ځمکې عُمر کابو ۴،۵۴ میلیارد کاله دی او د ځمکې په تاریخ کې د تر ټولو ګرمې ورځې ادعا نه ده تایید شوې، چې دا ناسمه او ګمراه‌کوونکې ادعا ده.