د نه تایید شویو ادعاوو په خپرولو کې بیړه
هشت صبح ورځپاڼې یکشنبې د چنګاښ میاشتې پر ۱۰ نېټه یو راپور خپور کړی چې د «سرچینو» له قوله پکې ادعا شوې: «په تخار ولایت کې دوو طالبانو پر یوې ښځې او یوې ځوانې نجلۍ جنسي تېری کړی دی.»
د دې راپور په دوام کې راغلي: «سرچینې یکشنبې د چنګاښ پر لسمه نېټه وايي چې د تخار ولایت په ورسج ولسوالۍ کې د کابو ۵۰۰ پښتنو طالبانو له ځایپرځای کېدو وروسته د دې ډلې دوه غړي د شپې له خوا د نوموړې ولسوالۍ په ایوت او ملوار پایان کلیو کې دوو کورونو ته دننه شوي او دا عمل یې ترسره کړی دی.»
رښتیا ارزونه
چلوصاف په تېرو درېیو ورځو کې تر ۱۰ لسو زیاتو ځايي سرچینو په ځانګړې توګه سیمهییزو خبریالانو سره خبرې کړې؛ خو هېڅ یوه دا خبر نه دی تایید کړی او پر ناسموالي یې ټینګار کوي.
د هشت صبح ورځپاڼې د خبر برخې مسوولان چلوصاف ته وايي چې دا راپور له ولسي سرچینو سره د خبرو پر بنسټ جوړ شوی دی.
د چلوصاف له نظره د دې خبر سموالی له نورو سرچینو سره نه دی ارزول شوی او په خپرولو کې یې بیړه شوې ده؛ لکه څنګه چې دغې ورځپاڼې «لومړني» معلومات د یکشنبې په ورځ ترلاسه کړي او خبر یې په همدې ورځ خپور شوی دی.
د تېري ادعا یوه پېچلې موضوع ده چې لا زیاتو معلوماتو او د ډېرو سرچینو تایید ته اړتیا لري؛ له همدې امله دا راپور نه تایید شوی «او ان ناسم» دی؛ ټولې بېپلوه سرچینې چې چلوصاف خبرې ورسره کړې ټینګار کوي، په یادو کلیو کې دا ډول پېښه نه ده شوې او دا خبر دروغ بولي.
په تېرو کابو ۳۰ ورځو کې، یو شمېر رسنیو چې له بهره د افغانستان لپاره فعالیت کوي؛ لکه آمو او افغانستان انټرنشنل ټلویزیونونو او هشتصبح ورځپاڼې د دوو کسانو په ډزو ویشتل کېدو خبر ورکړ، [...]
اتلانتیک مجلې د زمري میاشتې په ۲۸مه د آمو ټلویزیون په اړه په دې سرلیک سره لیکنه خپره کړه: «په ویرجینیا کې په خبر خونه کې هڅه کېږي چې افغانستان له استبداد څخه وژغوري. په [...]
هشت صبح ورځپاڼې یکشنبې د چنګاښ میاشتې پر ۱۰ نېټه یو راپور خپور کړی چې د «سرچینو» له قوله پکې ادعا شوې: «په تخار ولایت کې دوو طالبانو پر یوې ښځې او یوې ځوانې [...]
