افغانستان انټرنشنل رپوټ ورکړی چې ښځې د طالبانو د خپلسري نیولو له وېرې له کوره نشي وتلای.
افغانستان انټرنشنل خپل دغه خبر له دوو نجونو او یوه هټۍ‌وال سره د خبرو پر بنسټ جوړ کړی دی.
دوو نجونو چې له دغې شبکې سره یې خبرې کړې د هغې وېرې خبره کړې چې د ښځو له نیول کېدو وروسته رامنځته شوې ده.
ريښتیا ارزول
له دې سترګې نه‌شي پټېدای چې د طالبانو د امربالمعروف او نهی عن المنکر ادارې نجونې نیولې؛ خو دا وېره دومره نه ده چې ښځې له وېرې له خپلو کورونو ونه‌وځي.
افغانستان انټرنشنل د خبر په زړه پورې کولو لپاره خپل سرلیک په داسې ډول لیکلی چې ټولې ښځې له خپلو کورونو نه‌وځي، په داسې حال کې چې په افغانستان کې ښځې خپلو ورځنیو فعالیتونو ته دوام ورکوي.
توضېح:
د طالبانو د امر بالمعروف او نهی عن المنکر ادارې سخت چلند له پراخو نیوکو او غبرګونونو سره مخ شوی دی؛ خو دغې ادارې لا هم د ښځو او نجونو په وړاندې ناوړه چلند او نیولو ته دوام ورکړی.
د طالبانو د امربالمعروف ادارې چلند د هلکانو په وړاندې د دوی د واکمنۍ د لومړۍ دوره کې په شان دی، دا ځل نجونې ځوروي.
د چلوصاف سرچیني:
ددې خبر د ريښتیا ارزولو لپاره چلوصاف په کابل کې له یو شمېر کورنیو او هغو خبریالانو سره خبرې کړې چې په پلازمینه کې فعالیت لري.
د چلوصاف سرچینې د طالبانو د امربالمعروف ادارې له‌خوا د ښځو ځورول تاییدوي؛ خو له خپلو کورونو د ښځو نه وتل یې رد کړي دي.