نه دومره خوږ چې له مرۍ دې تېر کړي نه دومره تریخ چې ودې غورځوي
افغانستان انټرنشنل شبکې د ایران د اهل سنتو د ملاامام مولوي عبدالحمید له څرګندونو یو خبر جوړ کړی چې ویلي یې دي د ایران د مرکزي بانک مدیران دې د افغانستان بانک له مدیرانو مشوره واخلي.
د ایران د اهل سنتو دغه دیني عالم د تېرې جمعې په ورځ د ایران د پیسو ارزښت پر کمېدو نیوکه کړې او د خپل هېواد له مدیرانو یې غوښتي چې د ایرانیو پیسو ارزښت د ښه کولو لپاره له طالبانو سره مشوره وکړي.
دا خبر د یوه دیني عالم له څرګندونو جوړ شوی چې کره او تخصصي معلومات نهلري او څرګندونې یې د طنز په توګه او معلومات یې ناسم دي.
د ایران د ټولنیزو شبکو طنزونه
د ایرانیو پیسو د ارزښت د کمښت په اړه د مولوي عبدالحمید همدا څرګندونې په دقیقه توګه د ۲۰۲۲ زېږدیز کال په وروستیو کې د ایران د ټولنیزو شبکو د فعالانو لهخوا د طنز په ډول مطرح شوې، هغه مهال حاجي محمد ادریس د طالبانو لهخوا د افغانستان بانک سرپرست و، دغو ایرانیو فعالانو د ایران د مرکزي بانک پوهه د حاجي محمد ادریس له پوهې سره پرتله کوله او د ایران د مرکزي بانک له رییس څخه یې غوښتل چې د حللارې د موندلو لپاره، له حاجي محمد ادریس سره مشوره وکړي.
د ایران د مرکزي بانک رییس محمد رضا فرزین د اقتصاد په څانګه کې دوکتورا لري.
په نقل قولولو کې درغلي
د مولوي عبدالحمید هغه نقلقول چې د افغانستان انټرنشنل لهخوا خپور شوی دی: «دا واقعا یو نعمت دی، د داسې هېواد پیسې چې سرچینې او کومه پانګه نهلري ارزښت پيدا کړي او یوه افغانۍ (د افغانستان پيسې) ۸۰۰ ایراني تومان شي؛ په داسې حال کې چې په تېرو وختونو کې ایراني تومان د افغانیو په وړاندې له ډېر ارزښته برخمن و.»
د مولوي عبدالحمید له لاسوهنې پرته نقلقول:
«دا ډېر ارزښت لري، د داسې هېواد پیسې چې شتمني نهلري، پانګه نه لري او سرچینې نه لري او پیسې یې ارزښت پيدا کوي، یوه افغانۍ ۸۰۰ زره تومانه کېږي.
– «۸۰۰ تومان»
– جان
– «۸۰۰ تومان»
۸۰۰ تومانه سم دی ۸۰۰ زره نه، ۸۰۰ تومانه، بخښنه غواړم. او یوه ورځ وه، خو یوه افغانۍ کېږي، ۸۰۰ تومانه، بالاخره، او یوه ورځ وه چې د تومانو ارزښت له افغانیو ډېر لوړ و.»
په خبر رسولو کې تناقض
افغانستان انټرنشنل شبکې د اهل سنتو ددغه دیني عالم له قوله لیکلي: «نن په افغانستان کې د فساد جرړې ایستل شوې او فساد او مالي ناوړه ګټه اخیستل له منځه تللي دي.»
تېره میاشت دغې شبکې د حامد کرزي د مالیې وزیر عمرزاخېلوال له څرګندونو ولیکل چې «د طالبانو په حکومت کې فساد زیات شوی دی.»
دغه شبکه هره ستاینه او تور له ریښتیا ارزولو پرته خپروي او ترې خبر جوړوي، له همدې امله دا ډول خبرونه یوه ادعا بللی شو نه واقعیت.
په تېرو کابو ۳۰ ورځو کې، یو شمېر رسنیو چې له بهره د افغانستان لپاره فعالیت کوي؛ لکه آمو او افغانستان انټرنشنل ټلویزیونونو او هشتصبح ورځپاڼې د دوو کسانو په ډزو ویشتل کېدو خبر ورکړ، [...]
اتلانتیک مجلې د زمري میاشتې په ۲۸مه د آمو ټلویزیون په اړه په دې سرلیک سره لیکنه خپره کړه: «په ویرجینیا کې په خبر خونه کې هڅه کېږي چې افغانستان له استبداد څخه وژغوري. په [...]
هشت صبح ورځپاڼې یکشنبې د چنګاښ میاشتې پر ۱۰ نېټه یو راپور خپور کړی چې د «سرچینو» له قوله پکې ادعا شوې: «په تخار ولایت کې دوو طالبانو پر یوې ښځې او یوې ځوانې [...]
